យុវជនក្រសួងបរិស្ថានរៀបចំទស្សនកិច្ចសិក្សានៅក្នុងតំបន់ការពារធម្មជាតិកោះរ៉ុង

មន្ត្រីរាជការវ័យក្មេងក្រសួងបរិស្ថាន យុវជនអន្តរក្រសួង-ស្ថាប័ន សិស្ស-និស្សិត លោកគ្រូ អ្នកគ្រូ និងប្រជាសហគមន៍មូលដ្ឋានជាច្រើននាក់ បានចូលរួមកម្មវិធីទស្សនកិច្ចសិក្សាតំបន់ការពារធម្មជាតិ នាឧទ្យានជាតិសមុទ្រកោះរ៉ុង រយៈពេល ៣ថ្ងៃ ២យប់ នៅថ្ងៃទី១៥-១៧ ខែមីនា ឆ្នាំ២០១៨ នៅសហគមន៍ភូមិព្រែកស្វាយ ខេត្តព្រះសីហនុ។ ក្នុងពេលអញ្ជើញចូលរួមជាអធិបតីបើកព្រឹត្តិការណ៍នេះ ឯកឧត្តម សូ ខនឬទ្ធីគុណ អនុរដ្ឋលេខាធិការក្រសួងបរិស្ថាន បានចាត់ទុកថាទស្សកិច្ចនៅតំបន់ធម្មជាតិនេះមានគោលបំណងដើម្បី អបអរសាទរ ការបង្កើតឧទ្យានជាតិសមុទ្រកោះរ៉ុង និងចូលរួមចំណែកក្នុងកិច្ចគាំពារបរិស្ថាន ការការពារធនធានធម្មជាតិ ការអភិរក្សជីវៈចម្រុះ និងការរស់នៅប្រកបដោយ ចីរភាពរបស់ប្រជាសហគមន៍មូលដ្ឋាន។