អ៊ាង សុផល្លែត អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំអន្តរក្រសួង

នៅព្រឹកថ្ងៃពុធ ១៥កើត ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ៣០ ខែឧសភា ឆ្នាំ២០១៨ ឯកឧត្តម អ៊ាង សុផល្លែត អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំអន្តរក្រសួង ពិនិត្យ និងអនុម័តលើសេចក្តីព្រាងគោលការណ៍ណែនាំស្តីពីការប្រើប្រាស់សារធាតុគីមីបំបែកធាតុសម្រាប់ការសម្អាតប្រេងឆៅលេចធ្លាយ ឬកំពប់នៅក្នុងឈូងសមុទ្រថៃ។គួរបញ្ជាក់ថា កម្ពុជាគឺជាសមាជិកនៃប្រទេសក្នុងឈូងសមុទ្រថៃ ដោយមានកាតព្វកិច្ចរៀបចំឯកសារសំខាន់ៗចំនួន២ គឺ ១.ផែនការជាតិស្តីពីការបង្ការគ្រោះអាសន្ននៃការកំពប់លេចធ្លាយប្រេង(NOSCP) និង ២. គោលការណ៍ណែនាំថ្នាក់ជាតិស្តីពីការប្រើប្រាស់សារធាតុគីមីបំបែកនៅពេលមានការកំពប់លេចធ្លាយប្រេង(National Chemical Dispersants Use Guideline ) ដើម្បីប្រើប្រាស់ផ្លូវការសម្រាប់កម្ពុជា និងស្នើសុំអង្គការ ភាពជាដៃគូក្នុងការគ្រប់គ្រងបរិស្ថានសមុទ្រអាស៊ីបូព៌ា(PEMSEA) ដាក់បញ្ចូលក្នុងផែនការអនុតំបន់ (GOT Sub-Regional OSCP) និង គោលការណ៍ណែនាំអនុតំបន់ឈូងសមុទ្រថៃដោយមាន ក្រសួងបរិស្ថាន និង ក្រសួងសាធារៈការ និង ដឹកជញ្ជូនជាស្ថាប័នបង្គោល។