ឯកឧត្តម សាយ សំអាល់ លើកទឹកចិត្តយុវជនស្រុកអូររាំងឪ ខិតខំរៀនសូត្រទៅតាមជំនាញ ដើម្បីអភិវឌ្ឍន៍មូលដ្ឋានរបស់ខ្លួន

នៅរសៀលថ្ងៃអង្គារ៍១៤រោច ខែជេស្ឋ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទ១២ ខែមិថុនា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបសំណេះសំណាលជាមួយប្រជាពលរដ្ឋ ភាគច្រើនជាយុវជន ចំនួន៣៥០នាក់ មកពីស្រុកអូររាំងឪ ខេត្តត្បូងឃ្មុំ បន្ទាប់ពីបានធ្វើដំណើរទស្សនកិច្ចស្វែងយល់ពីប្រវត្តិសាស្រ្តខ្មែរក្រហម នៅសាលាក្តីខ្មែរក្រហម និងសារៈ មន្ទីរប្រល័យពូជសាសន៍ទួលស្លែង នារាជធានីភ្នំពេញ។

ក្នុងឱកាសនោះ ឯកឧត្តមរដ្ឋមន្រ្តី សាយ សំអាល់ បានលើកទឹកចិត្តដល់យុវជនត្រូវស្វែងរកឱកាស ដើម្បីបន្តការសិក្សាទៅតាមជំនាញដែលខ្លួនពេញចិត្ត ក្នុងការយកចំណេះ ដឹងទាំងអស់នេះទៅអភិវឌ្ឍន៍ភូមិឃុំរបស់ខ្លួនវិញ ។ ជាមួយគ្នានេះ ឯកឧត្តម ក៏បានជំរុញដល់យុវជនដែល គ្រប់អាយុចូលរួមបោះឆ្នោត ត្រូវបំពេញសិទ្ធិជាប្រជាពលរដ្ឋ ចូលរួមបោះឆ្នោតជ្រើសរើសតំណាងរាស្រ្ត ឱ្យបានគ្រប់ៗគ្នា នៅថ្ងៃទី២៩ ខែកក្កដា ខាងមុខនេះ៕