កម្ពុជា-ចិន សម្ពោធដាក់ឱ្យប្រើប្រាស់ “ការិយាល័យរៀបចំបង្កើតមជ្ឈមណ្ឌលសហប្រតិបត្តិការបរិស្ថាន កម្ពុជា-ចិន”
ថ្ងៃ ព្រហស្បតិ៍, 5 កក្កដា, 2018នៅទីស្តីការក្រសួងបរិស្ថាន ព្រឹកថ្ងៃពុធ ៧រោច ខែបឋមាសាឍ ឆ្នាំច សំរិទ្ធិស័ក ព.ស.២៥៦២ ត្រូវនឹងថ្ងៃទី៤ ខែកក្កដា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នៃព្រះរាជាណាចក្រកម្ពុជា និង ឯកឧត្តមបណ្ឌិត ZHAO Yingmin អនុរដ្ឋមន្ត្រីនៃក្រសួងអេកូឡូស៊ី និងបរិស្ថាន នៃសាធារណៈរដ្ឋប្រជាមានិតចិន បានអញ្ជើញសម្ពោធដាក់ឱ្យប្រើប្រាស់ “ការិយាល័យរៀបចំបង្កើតមជ្ឈមណ្ឌលសហប្រតិបត្តិការបរិស្ថាន កម្ពុជា-ចិន” ដើម្បីបង្កើនកិច្ច សហប្រតិបត្តិការល្អរវាងកម្ពុជា-ចិន ឱ្យល្អប្រសើរ ជាពិសេសលើកកម្ពស់កិច្ចគាំពារបរិស្ថាន និងគ្រប់គ្រង វិស័យបរិស្ថាននៅកម្ពុជាឱ្យមានប្រសិទ្ធភាព។
សូមបញ្ជាក់ថា ការិយាល័យសហប្រតិបត្តិការបរិស្ថាន កម្ពុជា-ចិន នៅកម្ពុជា មានទីតាំងនៅក្រសួងបរិស្ថាន។ នេះជាការិយាល័យដំបូងគេ ដែលបង្កើតឡើងក្នុងចំណោមប្រទេសអាស៊ានទាំង១០ ដែល ថ្ងៃអនាគតអាចជំរុញបន្ថែមជាមួយកិច្ចសហប្រតិបត្តិការក្នុងការគ្រប់គ្រងបរិស្ថានសម្រាប់ប្រទេសកម្ពុជាកាន់តែប្រសើរថែមទៀត។
ព័ត៌មានបន្ថែម
