មន្ទីរបរិស្ថានខេត្តព្រះសីហនុ សហការជាមួយ សុខ សាន ប៊ិច រីសត (Sok San Beach Resort) រៀបចំកម្មវិធីសំអាតអនាម័យបរិស្ថានតំបន់ឆ្នេរ
ថ្ងៃ ពុធ, 15 សីហា, 2018ប្រជាជននៃភូមិសុខសាន្ត សង្កាត់កោះរ៉ុង រួមនឹងភ្ញៀវទេសចរជាតិ និងអន្តរជាតិ រួមគ្នាបំផុសចលនាសំអាតអនាម័យបរិស្ថានតំបន់ឆ្នេរ ក្រោមប្រធានបទ “រួមគ្នាសំអាតពិភពលោក Clean Up the World”៖
មន្ទីរបរិស្ថានខេត្តព្រះសីហនុ សហការជាមួយ សុខ សាន ប៊ិច រីសត (Sok San Beach Resort) រៀបចំកម្មវិធីសំអាតអនាម័យបរិស្ថានតំបន់ឆ្នេរ ដោយបំផុសឱ្យមានការចូលរួមពីប្រជាពលរដ្ឋក្នុងមូលដ្ឋាន បណ្តុះផ្នត់គំនិតឱ្យពួកគាត់មានការគិតគូរខ្ពស់ពីអនាម័យបរិស្ថាន ទាំងការគ្រប់គ្រងសំណល់រឹង សំរាម និងសំណល់រាវ ដើម្បីថែរក្សាឆ្នេរ និងទឹកសមុទ្រឱ្យបានស្អាត ដែលនឹងទាក់ទាញភ្ញៀវទេសចរឱ្យមកលេងកំសាន្តបានកាន់តែច្រើន ហើយដែលនឹងជួយទៅដល់ជីវភាពរបស់ប្រជាពលរដ្ឋផ្ទាល់ក្នុងមូលដ្ឋាន។
សូមបញ្ជាក់ថា សកម្មភាពខាងលើ បានធ្វើឡើងនៅតាមបណ្តោយឆ្នេរសុខសាន សង្កាត់កោះរ៉ុង ខេត្តព្រះសីហនុ នាថ្ងៃច័ន្ទ ២កើត ខែស្រាពណ៌ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៣ ខែសីហា ឆ្នាំ២០១៨ ដោយមានការចូលរួមពីសំណាក់ប្រជាពលរដ្ឋ សិស្សានុសិស្ស រួមនឹងភ្ញៀវទេសចរជាតិ និងអន្តរជាតិប្រមាណជាង ២០០នាក់៕
ព័ត៌មានបន្ថែម
ថ្ងៃ អង្គារ, 7 កក្កដា, 2026
កម្ពុជាប្រកាសដាក់ឱ្យប្រើជាផ្លូវការនូវ «យុទ្ធសាស្ត្រ ការទូតបរិស្ថានកម្ពុជា ឆ្នាំ២០២៦–២០៣០»
