ពិធីបិទវគ្គឆ្លាមសមុទ្រនៅទីបញ្ជាការកងពលតូចឆ័ត្រយោង៩១១ ស្ថិតក្រោមអធិបតីភាព ឯកឧត្តម សៅ សុខា
ថ្ងៃ ព្រហស្បតិ៍, 16 សីហា, 2018នៅព្រឹកថ្ងៃពុធ ៤កើត ខែស្រាពណ៏ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី១៥ ខែសីហា ឆ្នាំ២០១៨ ឯកឧត្តម សឹម យ៉ារ៉ែន អនុរដ្ឋលេខាធិការក្រសួងបរិស្ថាន បានដឹកនាំមន្រ្តីនាយកដ្ឋានអភិរក្សសមុទ្រ និងតំបន់ឆ្នេរ អញ្ជើញចូលរួមក្នុងពិធីបិទវគ្គឆ្លាមសមុទ្រនៅទីបញ្ជាការកងពលតូចឆ័ត្រយោង៩១១ ស្ថិតក្រោមអធិបតីភាព ឯកឧត្តម សៅ សុខា អគ្គបញ្ជាការស្តីទីកងយុទ្ធពលខេមរភូមិន្ទ។ គូសបញ្ជាក់ថា វគ្គឆ្លាមសមុទ្រនេះ រៀបចំឡើងដោយកងពលតូចឆ័ត្រយោង៩១១ ដែលមានការហ្វឹកហាត់រយៈពេល៤ខែ ដោយក្នុងនោះមានការសិក្សាទាំងទ្រឹស្តី និងការអនុវត្ត ដើម្បីទទួលបានចំណេះជំនាញបន្ថែមទៀតក្នុងការអុវត្តការងារលើការការពារ និងអភិរក្ស ដោយបានចាប់ផ្តើមកាលថ្ងៃទី១០ ខែមេសា ឆ្នាំ២០១៨ និងបានបញ្ចប់វគ្គនៅថ្ងៃទី១៥ ខែសីហា ឆ្នាំ២០១៨ ។ សម្រាប់វគ្គនេះផងដែរ មន្រ្តីក្រសួងបរិស្ថាន និងឧទ្យានុរក្សនៃមន្ទីរបរិស្ថានខេត្តទាំង៤ក្នុងតំបន់ឆ្នេរចំនួន៨រូប ក៏បានចូលរួមហ្វឹកហាត់វគ្គឆ្លាមសមុទ្រនេះ និងបានបញ្ចប់វគ្គដោយទទួលបានលទ្ធផលល្អគួរជាទីមោទនៈ៕
ព័ត៌មានបន្ថែម
ថ្ងៃ ពុធ, 12 សីហា, 2026
ក្រសួងបរិស្ថាននិងក្រសួងពាណិជ្ជកម្ម រួមគ្នាជំរុញកិច្ចគាំពារបរិស្ថាន ក្នុងវិស័យពាណិជ្ជកម្ម
