នៅក្នុងរាជរដ្ឋាភិបាលអាណត្តិទី៥ ក្រសួង បរិស្ថានបានផ្តោតសំខាន់ទៅលើការធ្វើទំនើបកម្មស្ថាប័ន និងការអភិវឌ្ឍធនធានមនុស្ស

ឯកឧត្តម នេត្រ ភក្ត្រា បានថ្លែងការកោតសរសើរ និង វាយតម្លៃខ្ពស់ចំពោះក្រុមការងារ នៃទីភ្នាក់ងារជាតិមុខរបរនិងការងារ ព្រមទាំងក្រុមការងារសហភាពសហព័ន្ធយុវជនកម្ពុជា និងដែគូរភាគីពាក់ព័ន្ធទំាងអស់ ចែករំលែកចំណេះដឹងបទពិសោធន៍ ដែលធ្វើអោយដំណើរការនៃពិព័រណនេះមានការចូលរួមទស្សនា និង អ្នកស្វែងរកការងារយ៉ាងច្រើនកុះករជាទីមោទនៈក្នុងរយៈពេល ២ ថ្ងៃនេះ។
ឯកឧត្តមបានបន្តថា កម្មវិធីពិព័រណ៍ការងារនេះ មិនត្រឹមតែផ្តល់ឱកាសការងារប៉ុណ្ណោះទេ តែថែមទាំងផ្តល់ការបណ្តុះបណ្តាលដើម្បីធ្វើការស្វែងយល់ និងទទួលព័ត៌មានថ្មីៗបំផុតពីតម្រូវការជំនាញទីផ្សារការងារ ការធ្វើទំនើបកម្មខ្លួនឯង អភិវឌ្ឍន៍សមត្ថភាពជំនាញ ការរៀបចំផែនការអាជីព បណ្តុះផ្នត់គំនិត កែប្រែឥរិយាបទ និង បង្កើនការយល់ដឹងការលើកកម្ពស់ផលិតភាពជាតិ និងភាពប្រកួតប្រជែងអាជីវកម្មដោយប្រើបញ្ញា ក្នុងបរិបទនៃបដិវត្តន៍ឧស្សាហកម្មឌីជីថល តាមរយៈការដកពិសោធន៍ជាមួយនិយោជក វិស័យឯកជន ជំនាញការជាតិ អន្តរជាតិ និងស្ថាប័នរដ្ឋនៅតាមស្តង់នីមួយៗ និង តាមរយៈគ្រឹស្ថានសិក្សា សាលាមគ្គុទេសក៍ និង ផលិតភាពជាតិ។